Луд по тебе

Луд по тебе е американски ситком емитуван на NBC телевизија од 23 септември 1992 до 24 мај 1999, комплетирајќи 7 сезони и 164 епизоди. Во главните улоги настапуваат Пол Рајзер (Пол Бакмен) и Хелен Хант (Џејми Стемпл Бакмен), штотуку венчана двојка која живее во Њујорк.
Серијата го следи секојдневниот живот на парот, сите нивни мали и големи проблеми и караници. Хуморот и дијалогот можат да се споредат со Сајнфелд, исто серија емитувана на NBC, која на хумористичен начин го покажува животот на триесетгодишните луѓе во Њујорк.
Хелен Хант и Пол Рајзер добија по 1 милион долари за последната сезона, но гледаноста се намали. Серијата доби неколку награди, меѓу кои Златен Глобус, како и пет Еми номинации за најдобра хумористична серија. Хелен Хант доби Еми награда за најдобра глумица во хумористична серија четири пати по ред (1996 – 1999)
Насловната песна "Final Frontier" („Последна граница“) е компонирана од Рајзер и Дон Вас, а оригинално испеана од Ендру Голд.