Вовед

24 е трилер кој е прикажан во "реално време,"
каде што секоја минута од емитувањето си одговара со минута од животите
на карактерите. Рекламните пораки исто така се сместени во серијата
(пр. ако карактерите се возат некаде кога рекламите почнуваат, тие веќе
стигнале таму кога рекламните пораки завршуваат. ). Ова овозможува
шоуто да се прикажува во реално време без никаква пауза. Часовникот кој
го прикажува вистинското време во серијата продолжува да отчукува и за
време на прикажувањето на рекламните пораки, нагласувајќи ги реалните
24 часа од сезоната.
Времетраењето на серијата без рекламни пораки изнесува околу 42-44
минути, ова е типично за едночасовна телевизиска серија со многу
рекламни пораки. Ефектот на реално време работи само ако епизодата е
прикажана со рекламни пораки и само ако времетраењето на истите се
зголеми на точни точки во времето, што кај повеќето телевизиски станици
не е случај.
Гледајки ги епизодите по ред без рекламни пораки, на секоја сезона и
се потребни приближно 17 часа да заврши. Реалното време е назначено од
еден дигитален часовник кој се појававува пред и по емитувањето на
рекламните пораки, и со впечатлив звук ги означува секундите.
Карактерите често ќе го спомнуваат времето (пр. "за еден час") за
одредени случувања како терористички закани, на овој начин прецизно го
означуваат времето на нападот/случувањето.
Акцијата се менува на различни локации следејќи ги авантурите на различните карактери вклучени во случувањата.

Анти Терористичка Единица


Анти Терористичка Единица (АТЕ)(англиски: Counter Terrorist Unit (CTU)) е измислена владина анти-терористичка агенција и е слична на ФБИ и ЦИА. Нивното главно седиште се наоѓа во Вашингтон. главната мисија на АТЕ е да ги одбрани терористичките напади упатени кон САД. Со седиште во скоро секој поголем град во САД,
АТЕ исто така има улога во креирањето на безбедноста и бркање на
групите на организиран криминал (што го вклучува и тероризмот).
Седиштата на АТЕ се контролирани од директор, наречен Специјален
главен агент, на кого Директорот За Операции На Поле и Шефот На
Управата му одговараат. Одделите на АТЕ вклучуваат Комуникација, Логистика, и Тактика.
Персоналот на Комуникацијата и Логистиката директно одговараат на Шефот
на управата, а персоналот на одделот за Тактика се поделени на тактички
тимови од страна на Директорот За Операции На Поле.